Гэр цэвэрлэхэд яаж бага цаг зарцуулах вэ?

“Цэвэрхэн” гэдэг ойлголт таны хувьд юуг илэрхийлэх вэ? Бүх юм эмх замбараатай, ил харагдах тоос шороогүй л байх нь л танд хангалттай мэт санагдвал түүнийгээ л хий. Бусдын стандартыг бүү дага. Үүний оронд цагийг үр дүнтэй ашигла. Завгүй бүсгүйчүүдэд зориулан гэрээ нүд ирмэхийн зуурт цэвэрлэчихээд, үлдсэн цагт нь өөр үр ашигтай зүйлийг хийх аргыг хүргэх гэж байна.

1. Хийх ажлаа хуваарил
Гэрийн ажлуудаа “заавал хийх шаардлагатай”, “ер нь бол хийх шаардлагатай”, “амжвал хийчихмээр байгаа” гэсэн гурван ангилалд хуваа. Эхнээс нь хийж байгаад, цаг үлдэхгүй бол үлдсэнийг нь орхи.

2. Гэрээ цэвэрлэхдээ тодорхой хугацаа тавь
Өдөрт хэд хэдэн удаа 10-20 минутын мөчлөгтэйгөөр гэрийн ажил хийвэл нилээдгүй зүйлийг амжуулж дөнгөнө. Цэвэрлэгээний хуваариа уян хатан байлгаарай. Гэнэтийн ажил гарч ирэхийг үгүйсгэхгүй. Хийж чадах үедээ, хийж чадах зүйлээ хийгээд ав.

3. Өөрийнхөө “шавь”-ийг бэлд
Хүүхэддээ хэрхэн угаасан хувцас эвхэж тавихыг, тоос соруулахыг, арчихыг, аяга таваг угаагчаа суллаыг, ороо засахыг зааж өг. Өсвөр насны хүүхдээрээ шал цонх угаах зэрэг том ажилдаа туслуул.

4. Нэг сумаар хоёр туулай бууд
Хоол болохыг хүлээнгээ шүүгээгээ цэвэрлэж, утсаар ярингаа аяга тавгаа угаачих. Хувцаснуудаа угаалгын машинд эргэлдэж байх хооронд нь том өрөөнийхөө тоосыг гялс арччих. Гэхдээ нэг дор хоёуланг нь хийнэ гэсэн үг биш, ердөө нэгийнх нь завсарлагаанаар нөгөөг нь хийгээрэй.

5. Азын сугалаа зохио
Хамгийн чухал ажлуудыг нэг нэгээр нь цаасан дээр бичиж байгаад, гэрийнхнээрээ долоо хоногийн сүүлийн өдөр сугалуул. Хүн бүр сугалсан нэг нэг ажлаа тухайн долоо хоногтоо хариуцаж хийх ёстой юм.

6. Гадны шороо орж ирэхээс сэргийл
Ингэхийн тулд үүдний гишгүүрээ байнга цэвэрлэж, чийгшүүлж байхад болно. Гадны шороо хэдий чинээ бага орж ирнэ, төдйи чинээ бусад талбайг цэвэрлэхэд цаг зарцуулахгүй. Мөн сайн чанарын агаар цэвэршүүлэгч худалдаж аваарай.

7. Шарах шүүгээгээ цэвэрлэх хурдан арга
Ердөө нэг аяга ус шарах шүүгээнд буцалгахад болно. Усны уур нь хатсан хүнсийг зөөлөрч, цэвэрлэхэд амархан болгох болно.

8. Хөргөгч цэвэрлэх хурдан арга
Хэрэггүй уут барьж байгаад онгойлгоод удсан, муудсан бүх хүнсээ нэг дор хий. Дотор гадаргууг нь хүнсний содтой цэвэр алчуураар үрээд, дараа нь чийгтэй алчуураар арчаарай.

9. Бичиг цаасыг цэгцлэх арга
Бүх бичиг цаасаа ангилаад тус тусад нь хавтсанд хий. Хэрэггүй цаасыг ч бас нэг газар ангилж тавиарай. Ямар олон хэрэгцээгүй бичиг хадгалж байснаа хараад чи гайхах болно.

Эх Сурвалж: http://goolingoo.mn